دن میں پریاں کیوں آتی ہیں — محمد علوی
شاعر
دن میں پریاں کیوں آتی ہیں
دن میں پریاں کیوں آتی ہیں
ایسی گھڑیاں کیوں آتی ہیں
اپنا گھر آنے سے پہلے
اتنی گلیاں کیوں آتی ہیں
باہر کس کا ڈر لگتا ہے
گھر میں چڑیاں کیوں آتی ہیں
دن کیوں ننگے ہو جاتے ہیں
راتیں عریاں کیوں آتی ہیں
شعر میں الٹی سیدھی باتیں
بول مری جاں کیوں آتی ہیں
علویؔ قبروں تک جانے میں
بھول بھلیاں کیوں آتی ہیں
محمد علوی
din mein pariyan kyon aati hain
din mein pariyan kyon aati hain
aisi ghaRiyan kyon aati hain
apna ghar aane se pahle
itni galiyan kyon aati hain
bahar kis ka Dar lagta hai
ghar mein chiRiyan kyon aati hain
din kyon nange ho jaate hain
raten uriyan kyon aati hain
sher mein ulTi seedhi baten
bol meri jaan kyon aati hain
Alvi qabron tak jaane mein
bhool bhaliyan kyon aati hain
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں