ڈوبنے سے پہلے — محمد علوی
شاعر
ڈوبنے سے پہلے
کوئی جانے والے جہازوں کو روکے
کوئی ان کو جا کر بتائے
مگر کون جانے
کہ چاروں طرف
چیختی بھاگتی اندھی پاگل ہوا کے علاوہ
میری ذات ہے
اور میں
اپنے اندر اترنے لگا ہوں!
جہاز اب کہاں ہیں
کہاں ہے سمندر!
ہوا کس طرف بھاگتی ہے
سمندر جہاز اور ہوا اور میں
سب کے سب اپنے اندر اترنے لگے ہیں!
کوئی ان کو روکے
مگر کون روکے
کہ حد نظر تک میری ذات ہے
اور میں
اپنے اندر ہی اندر اترنے لگا ہوں!!
محمد علوی
Doobne se pehle
Koi jaane wale jahazon ko roke
Koi un ko ja kar bataaye
Magar kaun jaane
Ke charon taraf
Cheekhti bhaagti andhi paagal hawa ke alawa
Meri zaat hai
Aur main
Apne andar utarne laga hoon!
Jahaaz ab kahan hain
Kahan hai samundar!
Hawa kis taraf bhaagti hai
Samundar jahaaz aur hawa aur main
Sab ke sab apne andar utarne lage hain!
Koi un ko roke
Magar kaun roke
Ke hadd-e-nazar tak meri zaat hai
Aur main
Apne andar hi andar utarne laga hoon!!
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں