اک لڑکا تھا اک لڑکی تھی — محمد علوی
شاعر
اک لڑکا تھا اک لڑکی تھی
اک لڑکا تھا اک لڑکی تھی
آگے اللہ کی مرضی تھی
پہلا پھول کھلا تھا دل میں
لہو میں خوشبو دوڑ گئی تھی
اب کیا جانے لیکن پہلے
چاند پہ اک بڑھیا رہتی تھی
یہ بازار کہاں تھا پہلے
یہاں تو پہلے ایک گلی تھی
پانی میں بجلی کا گھر تھا
پتھر میں چنگاری چھپی تھی
اک بچہ پیدل جاتا تھا
رستے میں اک کار کھڑی تھی
ایک پیڑ تھا ہرا بھرا سا
پیڑ کے اندر اک کرسی تھی
دونوں رنگوں کے مارے تھے
ایک پھول تھا اک تتلی تھی
سچ ہے اس کے شہر میں علویؔ
دن چھوٹا تھا رات بڑی تھی
محمد علوی
Ek ladka tha ek ladki thi
Ek ladka tha ek ladki thi
Aage Allah ki marzi thi
Pehla phool khila tha dil mein
Lahu mein khushboo daud gai thi
Ab kya jaane lekin pehle
Chand pe ek budhiya rehti thi
Yeh bazaar kahan tha pehle
Yahan to pehle ek gali thi
Pani mein bijli ka ghar tha
Patthar mein chingari chhupi thi
Ek bachcha paidal jata tha
Raste mein ek car khadi thi
Ek ped tha hara bhara sa
Ped ke andar ek kursi thi
Dono rangon ke mare the
Ek phool tha ek titli thi
Sach hai us ke shahar mein Alvi
Din chhota tha raat badi thi
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں