اک لڑکا تھا اک لڑکی تھی — محمد علوی
شاعر
اک لڑکا تھا اک لڑکی تھی
اک لڑکا تھا اک لڑکی تھی
آگے اللہ کی مرضی تھی
پہلا پھول کھلا تھا دل میں
لہو میں خوشبو دوڑ گئی تھی
پہلا سانس لیا تھا سکھ کا
پہلی بار ہوا اک چلی تھی
اب کیا جانیں لیکن پہلے
چاند پہ اک بڑھیا رہتی تھی
یہ بازار کہاں تھا پہلے
یہاں تو پہلے ایک گلی تھی
پانی میں بجلی کا گھر تھا
پتھر میں چنگاری چھپی تھی
محمد علوی
ek laRka tha ek laRki thi
ek laRka tha ek laRki thi
aage Allah ki marzi thi
pahla phool khila tha dil mein
lahu mein khushboo dauR gayi thi
pahla saans liya tha sukh ka
pahli bar hawa ek chali thi
ab kya janen lekin pahle
chand pe ek buRhiya rehti thi
ye bazar kahan tha pahle
yahan to pahle ek gali thi
pani mein bijli ka ghar tha
patthar mein chingari chhupi thi
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں