گرمی — محمد علوی
شاعر
گرمی
رات اب سیانی ہو گئی ہے
گڑیا کھو جائے
تو روتی نہیں!
بخار میں مبتلا
بوڑھے آسمان میں
اتنی بھی سکت نہیں
کہ اٹھ کر وضو کرے
سورج خوں خوار بلے کی طرح
ایک ایک چیز پر
اپنے ناخن تیز کرتا ہے!
ہوا کا جھونکا
چوہے کی مانند
بل سے باہر آتے ڈرتا ہے!
وقت آج کل
دوزخ کے آس پاس سے گزرتا ہے!
محمد علوی
Garmi
Raat ab syani ho gayi hai
Gudiya kho jaaye
To roti nahin!
Bukhaar mein mubtala
Boodhe aasmaan mein
Itni bhi sakat nahin
Ke uth kar wuzu kare
Suraj khoonkhwar bille ki tarah
Ek ek cheez par
Apne nakhun tez karta hai!
Hawa ka jhonka
Choohe ki maanind
Bil se bahar aate darta hai!
Waqt aaj kal
Dozakh ke aas paas se guzarta hai!
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں