گھر کی چنتا — محمد علوی
شاعر
گھر کی چنتا
گھر سے باہر
آنگن میں
کھاٹ پہ بیٹھی
تین عورتیں
کھسر پسر کرتی ہیں!
ایک موٹی ہے
دوسری لمبی
تیسری قد کی چھوٹی ہے
چھوٹی دونوں ہاتھ ہلا کے
منہ ہی منہ میں
جانے کیا کہتی ہے
لمبی سر سے سر جوڑے
بڑے چاؤ سے سنتی ہے
موٹی ناک پہ انگلی دھر کے
بنا سنے ہی
مٹکی سا سر دھنتی ہے
پاس ہی اک ننھی سی چڑیا
گرے پڑے تنکے چنتی ہے!
محمد علوی
Ghar ki Chinta
Ghar se bahar
Aangan mein
Khaat pe baithi
Teen auraten
Khasar pasar karti hain!
Ek moti hai
Doosri lambi
Teesri qad ki choti hai
Choti donon hath hila ke
Munh hi munh mein
Jaane kya kehti hai
Lambi sar se sar jode
Bade chao se sunti hai
Moti naak pe ungli dhar ke
Bina sune hi
Matki sa sar dhunti hai
Paas hi ik nanhi si chidiya
Gire pade tinke chunti hai!
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں