گھوڑے پر اک لاش — محمد علوی
شاعر
گھوڑے پر اک لاش
گونج اٹھی ساری وادی زخمی گھوڑے کی ٹاپوں سے
ٹاپوں کی آواز پہاڑوں سے ٹکرائی بکھری
دھوپ کسی اونچی چوٹی سے گرتے پڑتے اتری
بڑے بڑے پتھروں کے نیچے سایوں نے حرکت کی
اڑتے گدھ کی آنکھوں میں تصویر بنی حیرت کی
ریت چمکتی ریت، ریت اور پتھر اور اک گھوڑا
گھوڑے پر اک لاش، لاش کو لے کر گھوڑا دوڑا
حیرت کی تصویر گری چکراتے گدھ کی آنکھوں سے
گونج اٹھی ساری وادی زخمی گھوڑے کی ٹاپوں سے
محمد علوی
Ghode Par Ek Laash
Goonj uthi saari wadi zakhmi ghode ki tapon se
Tapon ki awaaz pahadon se takrai bikhri
Dhoop kisi oonchi choti se girte padte utri
Bade bade pattharon ke neeche saayon ne harkat ki
Udate giddh ki aankhon mein tasveer bani hairat ki
Ret chamakti ret, ret aur patthar aur ek ghoda
Ghode par ek laash, laash ko le kar ghoda dauda
Hairat ki tasveer giri chakrate giddh ki aankhon se
Goonj uthi saari wadi zakhmi ghode ki tapon se
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں