ہوا چلی تو مرے جسم نے کہا مجھ کو — محمد علوی
شاعر
ہوا چلی تو مرے جسم نے کہا مجھ کو
ہوا چلی تو مرے جسم نے کہا مجھ کو
اکیلا چھوڑ کے تو بھی کہاں چلا مجھ کو
میں کب سے ڈھونڈھتا پھرتا ہوں اپنی قسمت کو
یہ تیرے ہاتھ میں کیا ہے ذرا دکھا مجھ کو
دہکتی جلتی ہوئی دوپہر ملی لیکن
کسی درخت کا سایا نہ مل سکا مجھ کو
میں اپنے روم کی بتی جلائے بیٹھا ہوں
ارے یہ شام سے پہلے ہی کیا ہوا مجھ کو
بلا کے شور میں ڈوبی ہوئی صدا ہوں میں
کسی سے کیا کہوں میں نے بھی کب سنا مجھ کو
وہ کوئی اور ہے علویؔ جو شعر کہتا ہے
تم اس کے جرم کی دیتے ہو کیوں سزا مجھ کو
محمد علوی
Hawa chali to mere jism ne kaha mujh ko
Hawa chali to mere jism ne kaha mujh ko
Akela chhod ke tu bhi kahan chala mujh ko
Main kab se dhundhta phirta hun apni qismat ko
Ye tere haath mein kya hai zara dikha mujh ko
Dehakti jalti hui dopahar mili lekin
Kisi darakht ka saya na mil saka mujh ko
Main apne room ki batti jalaye baitha hun
Are ye shaam se pehle hi kya hua mujh ko
Bula ke shor mein doobi hui sada hun main
Kisi se kya kahun main ne bhi kab suna mujh ko
Wo koi aur hai Alwi jo sher kehta hai
Tum uske jurm ki dete ho kyon saza mujh ko
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں