کبھی تو ایسا بھی ہو راہ بھول جاؤں میں — محمد علوی
شاعر
کبھی تو ایسا بھی ہو راہ بھول جاؤں میں
کبھی تو ایسا بھی ہو راہ بھول جاؤں میں
نکل کے گھر سے نہ پھر اپنے گھر میں آؤں میں
بکھیر دے مجھے چاروں طرف خلاؤں میں
کچھ اس طرح سے الگ کر کہ جڑ نہ پاؤں میں
یہ جو اکیلے میں پرچھائیاں سی بنتی ہیں
بکھر ہی جائیں گی لیکن کسے دکھاؤں میں
مرا مکان اگر بیچ میں نہ آئے تو
ان اونچے اونچے مکانوں کو پھاند جاؤں میں
گواہی دیتا وہی میری بے گناہی کا
وہ مر گیا تو اسے اب کہاں سے لاؤں میں
یہ زندگی تو کہیں ختم ہی نہیں ہوتی
اب اور کتنے دنوں یہ عذاب اٹھاؤں میں
ارے وہ آپ کے دیوان کیا ہوئے علویؔ
بکے نہ ہوں تو کباڑی کو ساتھ لاؤں میں
محمد علوی
Kabhi to aisa bhi ho rah bhool jaun main
Kabhi to aisa bhi ho rah bhool jaun main
Nikal ke ghar se na phir apne ghar mein aaun main
Bikher de mujhe charon taraf khalaon mein
Kuch is tarah se alag kar ke jad na paun main
Yeh jo akele mein parchhaiyan si banti hain
Bikhar hi jaengi lekin kise dikhaun main
Mera makan agar beech mein na aaye to
Un unche unche makanon ko phaand jaun main
Gawahi deta wahi meri be-gunahi ka
Woh mar gaya to use ab kahan se laun main
Yeh zindagi to kahin khatm hi nahin hoti
Ab aur kitne dinon yeh azab uthaun main
Are woh aap ke deewan kya hue Alvi
Bike na hon to kabari ko saath laun main
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں