کل رات سونی چھت پہ عجب سانحہ ہوا — محمد علوی
شاعر
کل رات سونی چھت پہ عجب سانحہ ہوا
کل رات سونی چھت پہ عجب سانحہ ہوا
جانے دو یار کون بتائے کہ کیا ہوا
نظروں سے ناپتا ہے سمندر کی وسعتیں
ساحل پہ اک شخص اکیلا کھڑا ہوا
لمبی سڑک پہ دور تلک کوئی بھی نہ تھا
پلکیں جھپک رہا تھا دریچہ کھلا ہوا
مانا کہ تو ذہین بھی ہے خوب رو بھی ہے
تجھ سا نہ میں ہوا تو بھلا کیا برا ہوا
دن ڈھل رہا تھا جب اسے دفنا کے آئے تھے
سورج بھی تھا ملول زمیں پر جھکا ہوا
کیا ظلم ہے کہ شہر میں رہنے کو گھر نہیں
جنگل میں پیڑ پیڑ پہ تھا گھر بنا ہوا
علویؔ غزل کا خبط ابھی کم نہیں ہوا
جائے گا جی کے ساتھ یہ ہوکا لگا ہوا
محمد علوی
kal raat sooni chhat pe ajab saneha hua
kal raat sooni chhat pe ajab saneha hua
jaane do yaar kaun bataye ki kya hua
nazron se napta hai samundar ki wusatein
sahil pe ek shakhs akela khaRa hua
lambi saRak pe door talak koi bhi na tha
palken jhapak raha tha daricha khula hua
mana ki tu zaheen bhi hai khoob roo bhi hai
tujh sa na main hua to bhala kya bura hua
din Dhal raha tha jab use dafna ke aaye the
suraj bhi tha malool zameen par jhuka hua
kya zulm hai ki shahr mein rahne ko ghar nahin
jangal mein peR peR pe tha ghar bana hua
Alvi ghazal ka khabt abhi kam nahin hua
jaega jee ke saath ye hooka laga hua
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں