خواب میں ایک مکاں دیکھا تھا — محمد علوی
شاعر
خواب میں ایک مکاں دیکھا تھا
خواب میں ایک مکاں دیکھا تھا
پھر نہ کھڑکی تھی نہ دروازہ تھا
سونے رستے پہ سر شام کوئی
گھر کی یادوں میں گھرا بیٹھا تھا
لوگ کہتے ہیں کہ مجھ سا تھا کوئی
وہ جو بچوں کی طرح رویا تھا
رات تھی اور کوئی ساتھ نہ تھا
چاند بھی دور کھڑا ہنستا تھا
ایک میلا سا لگا تھا دل میں
میں اکیلا ہی پھرا کرتا تھا
ایسا ہنگامہ نہ تھا جنگل میں
شہر میں آئے تو ڈر لگتا تھا
غم کے دریا میں تری یادوں کا
اک جزیرہ سا ابھر آیا تھا
کون آیا تھا مکاں میں علویؔ
کس نے دروازہ ابھی کھولا تھا
محمد علوی
Khwab Mein Ek Makan Dekha Tha
Khwab mein ek makan dekha tha
Phir na khiRki thi na darwaza tha
Sone raste pe sar-e-shaam koi
Ghar ki yaadoN mein ghira baitha tha
Log kehte hain ke mujh sa tha koi
Woh jo bachchoN ki tarah roya tha
Raat thi aur koi saath na tha
Chaand bhi door khaRa hansta tha
Ek maila sa laga tha dil mein
Main akela hi phira karta tha
Aisa hangama na tha jangal mein
Shahr mein aaye to Dar lagta tha
Gham ke darya mein teri yaadoN ka
Ek jazira sa ubhar aaya tha
Kaun aaya tha makan mein Alvi
Kis ne darwaza abhi khola tha
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں