کوئی بینڈ باجا سا کانوں میں تھا — محمد علوی
شاعر
کوئی بینڈ باجا سا کانوں میں تھا
کوئی بینڈ باجا سا کانوں میں تھا
عجب شور اونچے مکانوں میں تھا
پڑا تھا میں اک پیڑ کی چھاؤں میں
لگی آنکھ تو آسمانوں میں تھا
برہنہ بھٹکتا تھا سڑکوں پہ میں
لباس ایک سے اک دکانوں میں تھا
نظر میرے چہرے پہ مرکوز تھی
دھیان اس کا ٹیبل کے خانوں میں تھا
زمیں چھوڑنے کا انوکھا مزا
کبوتر کی اونچی اڑانوں میں تھا
مجھے مار کے وہ بھی روتا رہا
تو کیا وہ میرے مہربانوں میں تھا
محمد علوی
Koi band baja sa kaanon mein tha
Koi band baja sa kaanon mein tha
Ajab shor oonche makaanon mein tha
Pada tha main ik ped ki chhaon mein
Lagi aankh to aasmanon mein tha
Barahna bhatakta tha sadakon pe main
Libas ek se ek dukaanon mein tha
Nazar mere chehre pe markooz thi
Dhyan uska table ke khanon mein tha
Zameen chhodne ka anokha maza
Kabutar ki oonchi udaanon mein tha
Mujhe maar ke wo bhi rota raha
To kya wo mere meharbanon mein tha
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں