کوئی ہے پر نظر آتا نہیں ہے — محمد علوی
شاعر
کوئی ہے پر نظر آتا نہیں ہے
کوئی ہے پر نظر آتا نہیں ہے
غنیمت ہے وہ گھر آتا نہیں ہے
غضب کی دھوپ ہے اور راستے میں
کہیں کوئی شجر آتا نہیں ہے
خوشی سے کب کوئی جاتا ہے پھر بھی
کوئی کیوں لوٹ کر آتا نہیں ہے
خیالوں میں گھرا رہتا ہوں ہر دم
خیال اپنا مگر آتا نہیں ہے
بلاتا کیوں نہیں مجھ کو فلک پر
ستارہ کیوں اتر آتا نہیں ہے
پھرا کرتا ہے سارے شہر میں وہ
میں کہتا ہوں ادھر آتا نہیں ہے
غزل میں کیا ملا دیتے ہو علویؔ
مزہ آتا ہے پر آتا نہیں ہے
محمد علوی
Koi hai par nazar aata nahin hai
Koi hai par nazar aata nahin hai
Ghanimat hai wo ghar aata nahin hai
Ghazab ki dhoop hai aur raste mein
Kahin koi shajar aata nahin hai
Khushi se kab koi jata hai phir bhi
Koi kyon laut kar aata nahin hai
Khayalon mein ghira rahta hun har dam
Khayal apna magar aata nahin hai
Bulata kyon nahin mujh ko falak par
Sitara kyon utar aata nahin hai
Phira karta hai sare shahr mein wo
Main kahta hun idhar aata nahin hai
Ghazal mein kya mila dete ho Alvi
Maza aata hai par aata nahin hai
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں