کچھ تو اس دل کو سزا دی جائے — محمد علوی
شاعر
کچھ تو اس دل کو سزا دی جائے
کچھ تو اس دل کو سزا دی جائے
اس کی تصویر ہٹا دی جائے
ڈھونڈھنے میں بھی مزہ آتا ہے
کوئی شئے رکھ کے بھلا دی جائے
نام لکھ لکھ کے ترا کاغذ پر
روشنائی بھی گرا دی جائے
ناؤ کاغذ کی بنا کر اس کو
بہتے پانی میں بہا دی جائے
رات کو چپکے سے اک اک گھر کی
کیوں نہ زنجیر لگا دی جائے
نیند میں چونک پڑے گا کوئی
آؤ اس در پہ صدا دی جائے
آخری سانس مہک جائے گی
اس کے دامن کی ہوا دی جائے
سب کے سب یار چلے آتے ہیں
آج کس کس کو دعا دی جائے
علویؔ ہوٹل میں ٹھہر سکتا ہے
کیوں اسے گھر میں جگہ دی جائے
محمد علوی
kuch to is dil ko saza di jaae
kuch to is dil ko saza di jaae
us ki tasveer haTa di jaae
DhoonDhne mein bhi maza aata hai
koi shai rakh ke bhula di jaae
naam likh likh ke tera kaghaz par
roshnai bhi gira di jaae
nao kaghaz ki bana kar us ko
bahte pani mein baha di jaae
raat ko chupke se ik ik ghar ki
kyon na zanjeer laga di jaae
neend mein chaunk paDega koi
aao us dar pe sada di jaae
aakhri saans mahak jaaegi
us ke daman ki hawa di jaae
sab ke sab yaar chale aate hain
aaj kis kis ko dua di jaae
Alwi hotel mein Thahar sakta hai
kyon use ghar mein jagah di jaae
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں