کچھ تو اس دل کو سزا دی جائے — محمد علوی
شاعر
کچھ تو اس دل کو سزا دی جائے
کچھ تو اس دل کو سزا دی جائے
اس کی تصویر ہٹا دی جائے
ڈھونڈنے میں بھی مزہ آتا ہے
کوئی شے رکھ کے بھلا دی جائے
نام لکھ لکھ کے ترا کاغذ پر
روشنائی بھی گرا دی جائے
ناؤ کاغذ کی بنا کر اس کو
بہتے پانی میں بہا دی جائے
رات کو چپکے سے اک اک گھر کی
کیوں نہ زنجیر لگا دی جائے
نیند میں چونک پڑے گا کوئی
آؤ اس در پہ صدا دی جائے
آخری سانس مہک جائے گی
اس کے دامن کی ہوا دی جائے
سب کے سب یاد چلے آتے ہیں
آج کس کس کو دعا دی جائے
علویؔ ہوٹل میں ٹھہر سکتا ہے
کیوں اسے گھر میں جگہ دی جائے
محمد علوی
Kuch toh is dil ko saza di jaaye
Kuch toh is dil ko saza di jaaye
Us ki tasveer hata di jaaye
Dhoondhne mein bhi maza aata hai
Koi shai rakh ke bhula di jaaye
Naam likh likh ke tera kaghaz par
Roshnai bhi gira di jaaye
Naao kaghaz ki bana kar us ko
Behte paani mein baha di jaaye
Raat ko chupke se ek ek ghar ki
Kyun na zanjeer laga di jaaye
Neend mein chaunk pade ga koi
Aao us dar pe sada di jaaye
Aakhri saans mehak jaayegi
Us ke daaman ki hawa di jaaye
Sab ke sab yaad chale aate hain
Aaj kis kis ko dua di jaaye
Alvi hotel mein thehar sakta hai
Kyun use ghar mein jagah di jaaye
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں