کتبہ — محمد علوی
شاعر
کتبہ
قبر میں اترتے ہی
میں آرام سے دراز ہو گیا
اور سوچا
یہاں مجھے
کوئی خلل نہیں پہنچائے گا
یہ دو گز زمین
میری
اور صرف میری ملکیت ہے
اور میں مزے سے
مٹی میں گھلتا ملتا رہا
وقت کا احساس
یہاں آ کر ختم ہو گیا
میں مطمئن تھا
لیکن بہت جلد
یہ اطمینان بھی مجھ سے چھین لیا گیا
ہوا یوں
کہ ابھی میں
پوری طرح مٹی بھی نہ ہوا تھا
کہ ایک اور شخص
میری قبر میں گھس آیا
اور اب
میری قبر پر
کسی اور کا
کتبہ نصب ہے!!
محمد علوی
Kutba
Qabr mein utarte hi
Main aaraam se daraaz ho gaya
Aur socha
Yahan mujhe
Koi khalal nahin pohnchaaye ga
Yeh do gaz zameen
Meri
Aur sirf meri milkiyat hai
Aur main maze se
Mitti mein ghulta milta raha
Waqt ka ehsaas
Yahan aa kar khatam ho gaya
Main mutmain tha
Lekin bahut jald
Yeh itminaan bhi mujh se chheen liya gaya
Hua yun
Ke abhi main
Poori tarah mitti bhi na hua tha
Ke ek aur shakhs
Meri qabr mein ghus aaya
Aur ab
Meri qabr par
Kisi aur ka
Kutba nasb hai!!
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں