کیوں نہ مہکیں گلاب آنکھوں میں — محمد علوی
شاعر
کیوں نہ مہکیں گلاب آنکھوں میں
کیوں نہ مہکیں گلاب آنکھوں میں
ہم نے رکھے ہیں خواب آنکھوں میں
رات آئی تو چاند سا چہرہ
لے کے آیا شراب آنکھوں میں
دیکھو ہم اک سوال کرتے ہیں
لکھ کے رکھنا جواب آنکھوں میں
اس میں خطرہ ہے ڈوب جانے کا
جھانکئے مت جناب آنکھوں میں
کبھی آنکھیں کتاب میں گم ہیں
کبھی گم ہے کتاب آنکھوں میں
کوئی رہتا تھا رات دن علویؔ
انہیں خانہ خراب آنکھوں میں
محمد علوی
Kyun na mehkein gulaab aankhon mein
Kyun na mehkein gulaab aankhon mein
Hum ne rakhe hain khwab aankhon mein
Raat aayi toh chaand sa chehra
Le ke aaya sharab aankhon mein
Dekho hum ek sawal karte hain
Likh ke rakhna jawab aankhon mein
Is mein khatra hai doob jaane ka
Jhaankiye mat janab aankhon mein
Kabhi aankhen kitaab mein gum hain
Kabhi gum hai kitaab aankhon mein
Koi rehta tha raat din Alvi
Inhein khana kharab aankhon mein
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں