لبوں پر یوں ہی سی ہنسی بھیج دے — محمد علوی
شاعر
لبوں پر یوں ہی سی ہنسی بھیج دے
لبوں پر یوں ہی سی ہنسی بھیج دے
مجھے میری پہلی خوشی بھیج دے
اندھیرا ہے کیسے ترا خط پڑھوں
لفافے میں کچھ روشنی بھیج دے
میں پیاسا ہوں خالی کنواں ہے تو کیا
صراحی لیے اک پری بھیج دے
اگر تجھ کو فرصت نہیں تو نہ آ
مگر ایک اچھا نبی بھیج دے
بہت نیک بندے ہیں اب بھی ترے
کسی پر تو یارب وحی بھیج دے
کہیں کھو نہ جائے قیامت کا دن
یہ اچھا سمے ہے ابھی بھیج دے
محمد علوی
Labon par yoon hi si hansi bhej de
Labon par yoon hi si hansi bhej de
Mujhe meri pehli khushi bhej de
Andhera hai kaise tera khat padhoon
Lifafe mein kuch roshni bhej de
Main pyaasa hoon khaali kunwan hai toh kya
Surahi liye ek pari bhej de
Agar tujh ko fursat nahin toh na aa
Magar ek achha nabi bhej de
Bahut nek bande hain ab bhi tere
Kisi par toh Yarab wahi bhej de
Kahin kho na jaaye qayamat ka din
Yeh achha samay hai abhi bhej de
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں