مگر میں خدا سے کہوں گا — محمد علوی
شاعر
مگر میں خدا سے کہوں گا
مگر میں خدا سے کہوں گا
خدا وند! میری سزا تو کسی اور کو دے
کہ میں نے یہاں
اس زمیں پر
سزائیں قبولیں ہیں ان کی
کہ جن سے مجھے صرف اتنا تعلق رہا ہے
کہ میں اور وہ
دونوں تجھ کو خدا مانتے تھے!
یہ سچ ہے
ترا عکس دیکھا تھا ہم نے الگ آئینوں میں
مگر میں خدا سے کہوں گا
خدا وند! یہ دن قیامت کا دن ہے
یہ وہ دن ہے
جب تو نے ہم سب پہ اپنے کو ظاہر کیا ہے
تو اس وقت میرے گناہوں سے پردہ اٹھا کر
خداوند! تو اپنی نورانیوں
اپنی تابانیوں کو ملوث نہ کر
مجھے معاف کر دے
اسے معاف کر دے
کہ میں اور وہ دونوں تجھ کو خدا مانتے تھے
یہ سچ ہے
ترا عکس دیکھا تھا ہم نے الگ آئینوں میں
ہمیں معاف کر دے
کہ ہم نے سزائیں قبول کی ہیں اک دوسرے کی!
ہمیں معاف کر دے
کہ سارے گناہ ساری تقصیریں
سچ سچ بتاؤں
اسی دن کی خاطر ہوئی تھیں
محمد علوی
Magar Main Khuda Se Kahunga
Magar main Khuda se kahunga
Khudaawand! Meri saza to kisi aur ko de
Ke main ne yahan
Is zameen par
Sazayein qaboolin hain un ki
Ke jin se mujhe sirf itna taalluq raha hai
Ke main aur woh
Donon tujh ko Khuda mante the!
Yeh sach hai
Tera aks dekha tha hum ne alag aayinoon mein
Magar main Khuda se kahunga
Khudaawand! Yeh din qayamat ka din hai
Yeh woh din hai
Jab tu ne hum sab pe apne ko zahir kiya hai
To is waqt mere gunahon se parda utha kar
Khudaawand! Tu apni nooraniyon
Apni taabaniyon ko maloos na kar
Mujhe maaf kar de
Use maaf kar de
Ke main aur woh donon tujh ko Khuda mante the
Yeh sach hai
Tera aks dekha tha hum ne alag aayinoon mein
Humein maaf kar de
Ke hum ne sazayein qabool ki hain ik doosre ki!
Humein maaf kar de
Ke saare gunah saari taqseerein
Sach sach bataoon
Isi din ki khaatir hui thin
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں