مجھے ان جزیروں میں لے جاؤ — محمد علوی
شاعر
مجھے ان جزیروں میں لے جاؤ
مجھے ان جزیروں میں لے جاؤ
جو کانچ جیسے
چمکتے ہوئے پانیوں میں گھرے ہیں
جہاں لڑکیاں
ناریل کے درختوں کے پتوں سے
اپنے بدن کے
خطرناک حصے چھپاتی ہیں
پھولوں کے گجرے پہن کر
بڑی شان سے مسکراتی ہیں
بچے جہاں
ریت کے گھر بناتے ہیں
اور ساحلوں کی چمکتی ہوئی ریت پر
لوگ سن باتھ لیتے ہیں
پانی میں غوطہ لگا کر
سیپیاں مچھلیاں اور گھونگھے پکڑتے ہیں
اور رات کو
چاندنی میں
ناچتے اور گاتے ہیں
اور پھونس کے
ننھے منے مکانوں میں
آرام کی نیند سو جاتے ہیں
مجھے ان جزیروں میں لے جاؤ
جو کانچ جیسے
چمکتے ہوئے پانیوں میں گھرے ہیں
تو ممکن ہے میں
اور کچھ روز جی لوں
کہ شہروں میں اب
میرا دم گھٹ گیا ہے
محمد علوی
Mujhe In Jazeeron Mein Le Jaao
Mujhe un jazeeron mein le jaao
Jo kaanch jaise
Chamakte hue paaniyon mein ghure hain
Jahan ladkiyan
Nariyal ke darakhton ke patton se
Apne badan ke
Khatarnaak hisse chhupaati hain
Phoolon ke gajre pehan kar
Badi shaan se muskurati hain
Bachche jahan
Reit ke ghar banate hain
Aur sahilon ki chamakti hui reit par
Log sunbath le lete hain
Paani mein ghota laga kar
Seepiyan machhliyan aur ghoonghe pakadte hain
Aur raat ko
Chandni mein
Naachte aur gaate hain
Aur phoons ke
Nanhe munne makaanon mein
Aaraam ki neend so jaate hain
Mujhe un jazeeron mein le jaao
Jo kaanch jaise
Chamakte hue paaniyon mein ghure hain
To mumkin hai main
Aur kuch roz jee loon
Ke shehron mein ab
Mera dam ghut gaya hai
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں