نوحہ — محمد علوی
شاعر
نوحہ
نہ مرنے کا ڈر ہے
نہ جینے میں کوئی مزا ہے
خلا ہی خلا ہے
ہر اک چیز جیسے
اندھیرے میں گم ہو گئی ہے
اجالے کی اک اک کرن کھو گئی ہے
ہر اک آرزو سو گئی ہے
گنہ میں بھی اب کوئی لذت نہیں ہے
وہ دوزخ نہیں
اب وہ جنت نہیں ہے
کوئی بھی نہیں ہے
بس اب میں ہوں
اور میرا سنسان دل ہے
خدا کے نہ ہونے کا غم
کس قدر جاں گسل ہے
محمد علوی
Nauha
Na marne ka dar hai
Na jeene mein koi maza hai
Khala hi khala hai
Har ek cheez jaise
Andhere mein gum ho gayi hai
Ujaale ki ek ek kiran kho gayi hai
Har ek aarzoo so gayi hai
Gunah mein bhi ab koi lazzat nahin hai
Woh dozakh nahin
Ab woh jannat nahin hai
Koi bhi nahin hai
Bas ab main hoon
Aur mera sunsaan dil hai
Khuda ke na hone ka gham
Kis qadar jaan gusal hai
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں