نیند — محمد علوی
شاعر
نیند
رات اک گھر جل گیا!
گھر جلا تو آگ میں
گھر کے سب افراد بھی
جل کے کوئلہ ہو گئے
آگ ٹھنڈی پڑ گئی تو
دیکھنے والوں نے دیکھا
گھر کے اک حصے میں جو
بچ گیا تھا آگ سے
ایک ننھی منی بچی
بھینچ کر چھاتی سے گڑیا
سو رہی تھی بے خبر!
محمد علوی
Neend
Raat ek ghar jal gaya!
Ghar jala toh aag mein
Ghar ke sab afraad bhi
Jal ke koila ho gaye
Aag thandi pad gayi toh
Dekhne walon ne dekha
Ghar ke ek hisse mein jo
Bach gaya tha aag se
Ek nannhi munni bachchi
Bheench kar chhaati se gudiya
So rahi thi bekhabar!
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں