آفس میں بھی گھر کو کھلا پاتا ہوں میں — محمد علوی
شاعر
آفس میں بھی گھر کو کھلا پاتا ہوں میں
آفس میں بھی گھر کو کھلا پاتا ہوں میں
ٹیبل پر سر رکھ کر سو جاتا ہوں میں
گلی گلی میں اپنے آپ کو ڈھونڈتا ہوں
اک اک کھڑکی میں اس کو پاتا ہوں میں
اپنے سب کپڑے اس کو دے آتا ہوں
اس کا ننگا جسم اٹھا لاتا ہوں میں
بس کے نیچے کوئی نہیں آتا پھر بھی
بس میں بیٹھ کے بے حد گھبراتا ہوں میں
مرنا ہے تو ساتھ ساتھ ہی چلتے ہیں
ٹھہر ذرا گھر جا کے ابھی آتا ہوں میں
گاڑی آتی ہے لیکن آتی ہی نہیں
ریل کی پٹری دیکھ کے تھک جاتا ہوں میں
علویؔ پیارے سچ سچ کہنا کیا اب بھی
اسی کو روتا دیکھ کے یاد آتا ہوں میں
محمد علوی
Office mein bhi ghar ko khula paata hoon main
Afs mein bhi ghar ko khula paata hoon main
Table par sar rakh kar so jaata hoon main
Gali gali mein apne aap ko dhoondhta hoon
Ek ek khidki mein us ko paata hoon main
Apne sab kapde us ko de aata hoon
Us ka nanga jism utha laata hoon main
Bus ke neeche koi nahin aata phir bhi
Bus mein baith ke be-had ghabraata hoon main
Marna hai to saath saath hi chalte hain
Thahar zara ghar jaa ke abhi aata hoon main
Gaadi aati hai lekin aati hi nahin
Rail ki patri dekh ke thak jaata hoon main
Alvi pyare sach sach kehna kya ab bhi
Usi ko rota dekh ke yaad aata hoon main
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں