پڑھ کے حیراں ہوں خبر اخبار میں — محمد علوی
شاعر
پڑھ کے حیراں ہوں خبر اخبار میں
پڑھ کے حیراں ہوں خبر اخبار میں
میں الف ننگا پھرا بازار میں
میرے اندر کا درندہ جاگ اٹھا
چھپ گیا میں دل کے اندھے غار میں
خون پی کر بھی نہ سیدھی ہو سکی
تھا ترا ہی بانکپن تلوار میں
میرے آگے رات کی دیوار تھی
کوئی دروازہ نہ تھا دیوار میں
شاعری میں دھول کیوں اڑنے لگی
پھول کیوں کھلتے نہیں اشعار میں
مفت میں علویؔ کو شہرت مل گئی
اور ہم پکڑے گئے بیکار میں
محمد علوی
Padh ke hairaan hoon khabar akhbaar mein
Padh ke hairaan hoon khabar akhbaar mein
Main alif nanga phira bazaar mein
Mere andar ka darinda jaag utha
Chhip gaya main dil ke andhe ghaar mein
Khoon pee kar bhi na seedhi ho saki
Tha tera hi bankpan talwar mein
Mere aage raat ki deewar thi
Koi darwaza na tha deewar mein
Shaayari mein dhool kyun udne lagi
Phool kyun khilte nahin ash'aar mein
Muft mein Alvi ko shohrat mil gayi
Aur hum pakde gaye bekaar mein
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں