قبر میں — محمد علوی
شاعر
قبر میں
میرے جسم پر رینگتی
چونٹیوں کے علاوہ
یہاں کوئی ہے
کوئی بھی تو نہیں ہے
مگر ایک آواز آتی ہے
مجھ سے کوئی پوچھتا ہے
بتا تیرا رب کون ہے
کون ہے؟
کون ہے
اور میں سوچتا ہوں
اگر میرا رب کوئی ہے تو
اسے میرے مرنے کا غم
کیوں نہیں ہے!
محمد علوی
Qabar Mein
Mere jism par reengti
Chyoonteyon ke alawa
Yahan koi hai
Koi bhi to nahin hai
Magar ek awaaz aati hai
Mujh se koi poochhta hai
Bata tera Rabb kaun hai
Kaun hai?
Kaun hai
Aur main sochta hoon
Agar mera Rabb koi hai to
Usay mere marne ka gham
Kyun nahin hai!
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں