قرب و بعد — محمد علوی
شاعر
قرب و بعد
رات کو جب بھی آنکھ کھلی ہے
مجھ کو یوں محسوس ہوا ہے
جیسے کوئی
میرے سرہانے کھڑا ہوا ہے
دو آنکھیں
میٹھی نظروں سے
میرا چہرا چوم رہی ہیں
دو ہاتھوں کی نرمی
میرے رخساروں پر پھیل گئی ہے
دو ہونٹوں کی گرمی
میری پیشانی میں جذب ہوئی ہے
زلفوں کی لہراتی خوشبو
سانسوں میں رس بس سی گئی ہے
کمرے کی خاموش فضا میں
گیتوں کے کچھ بول پرانے
تیر رہے ہیں
کھڑکی کے پردوں کو جیسے
ابھی کسی نے ٹھیک کیا ہے
آتش داں کے بجھتے شعلے
ابھی ابھی بھڑکائے گئے ہیں
تکیہ جو بستر سے گرا تھا
اب سر اس پہ دھرا ہوا ہے
کمبل جو پیروں میں پڑا تھا
سارا بدن اب ڈھانپ رہا ہے
مجھ کو یوں محسوس ہوا ہے
جیسے تم
اب بھی کمرے میں کھڑی ہوئی ہو
اب بھی گھر میں بسی ہوئی ہو
لیکن تم تو چھوڑ کے مجھ کو
دور پرانے قبرستاں کی
سمٹی سکڑی اک تربت میں
اک مدت سے چھپی ہوئی ہو!
محمد علوی
Qurb o Ba'ad
Raat ko jab bhi aankh khuli hai
Mujh ko yun mahsus hua hai
Jaise koi
Mere sarhane khada hua hai
Do aankhein
Meethi nazron se
Mera chehra choom rahi hain
Do haathon ki narmi
Mere rukhsaron par phail gai hai
Do honton ki garmi
Meri peshani mein jazb hui hai
Zulfon ki lehrati khushboo
Saanson mein ras bas si gai hai
Kamre ki khamosh fiza mein
Geeton ke kuch bol purane
Tair rahe hain
Khidki ke pardon ko jaise
Abhi kisi ne theek kiya hai
Aatish-dan ke bujhte sholay
Abhi abhi bhadkaye gaye hain
Takiya jo bistar se gira tha
Ab sar us pe dhara hua hai
Kambal jo pairon mein pada tha
Sara badan ab dhaamp raha hai
Mujh ko yun mahsus hua hai
Jaise tum
Ab bhi kamre mein khadi hui ho
Ab bhi ghar mein basi hui ho
Lekin tum to chhod ke mujh ko
Dur purane qabrastan ki
Simti sukdi ik turbat mein
Ik muddat se chhupi hui ho!
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں