راستے میں اک گاؤں — محمد علوی
شاعر
راستے میں اک گاؤں
چھ یا سات پرانے گھر آپس میں مل کر بیٹھے تھے
اک ٹوٹے پھوٹے چھکڑے میں اک دو کتے اونگھ رہے تھے
پیپل کے اک پیڑ کے نیچے کچھ بھینسیں خاموش کھڑی تھیں
دو چیلیں سوکھے کھیتوں پر پر پھیلائے تیر رہی تھیں
دھول اڑائے جاتا تھا رستہ کچا
کار کے پیچھے بھاگ رہا تھا اک بچہ
محمد علوی
Raaste mein ek gaon
Chhah ya saat purane ghar aapas mein mil kar baithe the
Ek toote phoote chhakde mein ek do kutte oongh rahe the
Peepal ke ek ped ke neeche kuchh bhainsen khamosh khadi thin
Do cheelen sookhe kheton par par phailaye tair rahi thin
Dhool udaiye jaata tha rasta kachcha
Car ke peeche bhaag raha tha ek bachcha
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں