رات بھر پی کے لڑکھڑاتے رہو — محمد علوی
شاعر
رات بھر پی کے لڑکھڑاتے رہو
رات بھر پی کے لڑکھڑاتے رہو
صبح مسجد میں سر جھکاتے رہو
توڑ ڈالو طلسم بوئے گل
موسم گل میں خاک اڑاتے رہو
محل تعمیر کر لو دریا میں
ریت میں کشتیاں چلاتے رہو
ہجر کی شب گزر ہی جائے گی
تازہ فلموں کے گیت گاتے رہو
پھونس میں آگ دھر کے ہٹ جاؤ
چین کی بانسری بجاتے رہو
مت ڈرو ننھے منے اولوں سے
بے دھڑک اپنا سر منڈاتے رہو
سب رقیبوں سے دوستی کر لو
من گھڑت وصل کی سناتے رہو
اب بھی ملتے ہیں گانٹھ کے پورے
ڈھونڈھ لو اور ادھار کھاتے رہو
نام رکھ لو خلیل خاں اپنا
اور پھر فاختہ اڑاتے رہو
لوگ مغلوب ہو ہی جائیں گے
شعر غالب کے گنگناتے رہو
ہم بھی استاد ہیں سنو علویؔ
اپنی غزلیں ہمیں دکھاتے رہو
محمد علوی
raat bhar pi ke laDkhaDate raho
raat bhar pi ke laDkhaDate raho
subh masjid mein sar jhukate raho
toD Daalo tilism-e-boe-gul
mausam-e-gul mein khak uDhaate raho
mahal tameer kar lo darya mein
ret mein kashtiyan chalate raho
hijr ki shab guzar hi jaaegi
taza filmon ke geet gaate raho
phoons mein aag dhar ke haT jao
cheen ki bansuri bajate raho
mat Daro nanhe munne olon se
be-dhaDak apna sar muNDate raho
sab raqeebon se dosti kar lo
man-ghaRant wasl ki sunate raho
ab bhi milte hain gaanTh ke poore
DhoonDh lo aur udhaar khate raho
naam rakh lo Khaleel Khan apna
aur phir fakhta uDaate raho
log maghloob ho hi jaaenge
sher Ghalib ke gungunate raho
ham bhi ustad hain suno Alwi
apni ghazlen hamen dikhate raho
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں