رات بیمار ستاروں سے بھری رہتی ہے — محمد علوی
شاعر
رات بیمار ستاروں سے بھری رہتی ہے
رات بیمار ستاروں سے بھری رہتی ہے
دن کی قسمت میں وہی درد سری رہتی ہے
پھول کھلتا ہے نہ پتہ کوئی شرماتا ہے
شاخ امید کی کانٹوں سے بھری رہتی ہے
جن کی راہیں بھی نہیں اور کوئی منزل بھی نہیں
ان بگولوں سے مری ہم سفری رہتی ہے
ہم بھی غنچے ہیں ہمیں بھی تو ابھی کھلنا ہے
دور کیوں ہم سے نسیم سحری رہتی ہے
جام میں اپنا ہی چہرہ نظر آیا ہم کو
لوگ کہتے ہیں یہاں لال پری رہتی ہے
پاس بھی ہوں تو ہمیں ہوش کہاں رہتا ہے
دور بھی ہوں تو وہی بے خبری رہتی ہے
ہم بھی دیکھیں گے کہاں تک وہ چھپیں گے علویؔ
اور کب تک یہ پریشاں نظری رہتی ہے
محمد علوی
Raat bimar sitaron se bhari rahti hai
Raat bimar sitaron se bhari rahti hai
Din ki qismat mein wahi dard sari rahti hai
Phool khilta hai na patta koi sharmata hai
Shaakh ummeed ki kaanton se bhari rahti hai
Jin ki raahein bhi nahin aur koi manzil bhi nahin
Un bagoolon se meri humsafari rahti hai
Hum bhi ghunche hain hamein bhi to abhi khulna hai
Door kyon hum se nasim sahri rahti hai
Jaam mein apna hi chehra nazar aaya hum ko
Log kahte hain yahan lal pari rahti hai
Paas bhi houn to hamein hosh kahan rahta hai
Door bhi houn to wahi be-khabari rahti hai
Hum bhi dekhenge kahan tak wo chhupenge Alvi
Aur kab tak ye pareshan nazari rahti hai
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں