رات خواب میں ہم نے اور ہی مزہ پایا — محمد علوی
شاعر
رات خواب میں ہم نے اور ہی مزہ پایا
رات خواب میں ہم نے اور ہی مزہ پایا
اس کو جابجا دیکھا خود کو جابجا پایا
کیا بتاؤں کیسا ہو دوست ہو تو ایسا ہو
یاد نا کیا اس نے اور نہ میں بھلا پایا
موت سے پرے کیا ہے سوچتا ارے کیا ہے
جی کے کون واں پہنچا مر کے کون آ پایا
یوں تو مرنے والے نے کچھ نہیں کہا لیکن
اس کی جیب سے ہم نے آپ کا پتہ پایا
وقت آنے پر علویؔ اک غزل نہ کہہ پائے
اتنے سال غالبؔ کو پڑھ کے تم نے کیا پایا
محمد علوی
Raat khwab mein hum ne aur hi maza paya
Raat khwab mein hum ne aur hi maza paya
Usko jabaja dekha khud ko jabaja paya
Kya bataun kaisa ho dost ho to aisa ho
Yaad na kiya usne aur na main bhula paya
Maut se pare kya hai sochta are kya hai
Ji ke kaun wan pahuncha mar ke kaun aa paya
Yun to marne wale ne kuch nahin kaha lekin
Uski jeb se hum ne aap ka pata paya
Waqt aane par Alvi ek ghazal na keh paaye
Itne saal Ghalib ko padh ke tum ne kya paya
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں