رد عمل — محمد علوی
شاعر
رد عمل
کھلی کھڑکی پہ اک بوڑھا کبوتر
پروں میں منہ لپیٹے سو رہا ہے
در و دیوار چپ سادھے ہوئے ہیں
گلی کا شور بجھ کر رہ گیا ہے
کوئی آواز اب آتی نہیں ہے
مرا کمرہ خموشی سے بھرا ہے
ابھی وہ مجھ سے باتیں کر رہا تھا
مگر اب دیکھیے تو جا چکا ہے!
محمد علوی
Radd-e-amal
Khuli khidki pe ik boodha kabootar
Paron mein munh lapete so raha hai
Dar-o-deewar chup saadhe hue hain
Gali ka shor bujh kar reh gaya hai
Koi awaaz ab aati nahin hai
Mera kamra khamoshi se bhara hai
Abhi woh mujh se baatein kar raha tha
Magar ab dekhiye to ja chuka hai!
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں