رنگوں کا روپ زنانا ہے — محمد علوی
شاعر
رنگوں کا روپ زنانا ہے
رنگوں کا روپ زنانا ہے
اک رنگ مگر مردانہ ہے
کالا ہے مگر سہانہ ہے
یہ رنگ بہت ہی پرانا ہے
پہنچا ہے زمیں سے دور کہیں
کیا اڑتا ہوا زمانہ ہے
ہم کو تو یقیں آتا ہی نہیں
اک روز ہمیں مر جانا ہے
کبھی نیند میں اس کو دیکھوں تو
اک خواب اسے دکھلانا ہے
کہیں دور چمکتے پانی کو
یوںہی دور چمکتے جانا ہے
لڑنا بھڑنا ہے درختوں سے
جنگل میں شور مچانا ہے
وہی رات کو اوڑھ کے سونا ہے
وہی دن کا بوجھ اٹھانا ہے
یہ جو کاٹھ کباڑ سا ہے گھر میں
یہی پونجی یہی خزانہ ہے
یہ جو دل کا خرابہ ہے علویؔ
یہی اپنا ٹھور ٹھکانہ ہے
محمد علوی
Rangon ka roop zanana hai
Rangon ka roop zanana hai
Ek rang magar mardana hai
Kala hai magar suhana hai
Ye rang bahut hi purana hai
Pahuncha hai zameen se door kahin
Kya udta hua zamana hai
Hum ko to yaqin aata hi nahin
Ek roz hamein mar jana hai
Kabhi neend mein us ko dekhun to
Ek khwab use dikhlana hai
Kahin door chamakte pani ko
Yunhi door chamakte jana hai
Ladna bhadna hai darakhton se
Jangal mein shor machana hai
Wahi raat ko odh ke sona hai
Wahi din ka bojh uthana hai
Ye jo kath kabad sa hai ghar mein
Yehi punji yehi khazana hai
Ye jo dil ka khraba hai Alvi
Yehi apna thaur thikana hai
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں