رو میں ہے رخش عمر — محمد علوی
شاعر
رو میں ہے رخش عمر
دستک دی
تو اندر سے آواز آئی
''کون ہو.... کس سے ملنا ہے''
میں بولا اس لڑکی سے
جو ابھی ابھی گھر میں آئی ہے
اس نے کہا
آ جاؤ
اندر جا کر دیکھا تو
کمرے میں اک صوفے پر
ایک ضعیفہ بیٹھی تھی
وہی لباس تھا اس کے بدن پر
جو لڑکی نے پہنا تھا!!
محمد علوی
Ro mein hai rakhsh-e-umar
Dastak di
to andar se awaaz aayi
''Kaun ho.... kis se milna hai''
Main bola us ladki se
jo abhi abhi ghar mein aayi hai
Us ne kaha
Aa jao
andar ja kar dekha to
kamre mein ik sofe par
ek zaeefa baithi thi
Wahi libaas tha us ke badan par
jo ladki ne pehna tha!!
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں