روشنی کچھ تو ملے جنگل میں — محمد علوی
شاعر
روشنی کچھ تو ملے جنگل میں
روشنی کچھ تو ملے جنگل میں
آگ لگ جائے گھنے جنگل میں
آپ کو شہر میں ڈر لگتا ہے
ہم تو بے خوف رہے جنگل میں
ایک اک شاخ زباں ہو جائے
کوئی آواز تو دے جنگل میں
پیڑ سے پیڑ لگا رہتا ہے
پیار ہوتا ہے بھرے جنگل میں
شہر میں کان ترستے ہی رہے
چہچہے ہم نے سنے جنگل میں
شام ہوتے ہی اتر آتے ہیں
شوخ پریوں کے پرے جنگل میں
شوخ ہرنوں نے قلانچیں ماریں
مور کے رقص ہوئے جنگل میں
اب بھی قدموں کے نشاں ملتے ہیں
گاؤں سے دور پرے جنگل میں
اب بھی پھرتی ہے کوئی پرچھائیں
رات کے وقت بھرے جنگل میں
خوب تھے حضرت آدم علویؔ
بستیاں چھوڑ گئے جنگل میں
محمد علوی
Roshni kuchh to mile jangal mein
Roshni kuchh to mile jangal mein
Aag lag jaye ghane jangal mein
Aap ko shahr mein dar lagta hai
Hum to be-khauf rahe jangal mein
Ek ek shaakh zabaan ho jaye
Koi aawaz to de jangal mein
Ped se ped laga rehta hai
Pyar hota hai bhare jangal mein
Shahr mein kaan taraste hi rahe
Chehchhe hum ne sune jangal mein
Shaam hote hi utar aate hain
Shokh pariyoon ke pare jangal mein
Shokh harnon ne qalanchein maarin
Mor ke raqs hue jangal mein
Ab bhi qadamon ke nishan milte hain
Gaon se door pare jangal mein
Ab bhi phirti hai koi parchhain
Raat ke waqt bhare jangal mein
Khoob the Hazrat Adam Alwi
Bastiyan chhod gaye jangal mein
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں