سچ ہے کہ وہ برا تھا ہر اک سے لڑا کیا — محمد علوی
شاعر
سچ ہے کہ وہ برا تھا ہر اک سے لڑا کیا
سچ ہے کہ وہ برا تھا ہر اک سے لڑا کیا
لیکن اسے ذلیل کیا یہ برا کیا
گلدان میں گلاب کی کلیاں مہک اٹھیں
کرسی نے اس کو دیکھ کے آغوش وا کیا
گھر سے چلا تو چاند مرے ساتھ ہو لیا
پھر صبح تک وہ میرے برابر چلا کیا
کوٹھوں پہ منہ اندھیرے ستارے اتر پڑے
بن کے پتنگ میں بھی ہوا میں اڑا کیا
اس سے بچھڑتے وقت میں رویا تھا خوب سا
یہ بات یاد آئی تو پہروں ہنسا کیا
چھوڑو پرانے قصوں میں کچھ بھی دھرا نہیں
آؤ تمہیں بتائیں کہ علویؔ نے کیا کیا
محمد علوی
Sach hai ki woh bura tha har ek se lada kya
Sach hai ki woh bura tha har ek se lada kya
Lekin usay zaleel kiya yeh bura kya
Guldān mein gulāb ki kaliyan mehak uṭhīñ
Kursi ne us ko dekh ke āgosh wā kiya
Ghar se chalā to chānd mere saath ho liya
Phir subh tak woh mere barābar chalā kya
Koṭhon pe munh andhere sitāre utar paṛe
Ban ke patang maiñ bhi hawā mein uḍā kya
Us se bichhaḍte waqt maiñ royā tha khoob sa
Yeh baat yaad āyī to pehron hañsā kya
Chhoḍo purāne qissoñ mein kuch bhi dhara nahīñ
Āo tumhein batāein ki Alwi ne kya kya
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں