سردی میں دن سرد ملا — محمد علوی
شاعر
سردی میں دن سرد ملا
سردی میں دن سرد ملا
ہر موسم بے درد ملا
اونچے لمبے پیڑوں کا
پتہ پتہ زرد ملا
سوچتے ہیں کیوں زندہ ہیں
اچھا یہ سر درد ملا
ہم روئے تو بات بھی تھی
کیوں روتا ہر فرد ملا
ملا ہمیں بس ایک خدا
اور وہ بھی بے درد ملا
علویؔ خواہش بھی تھی بانجھ
جذبہ بھی نا مرد ملا
محمد علوی
Sardi mein din sard mila
Sardi mein din sard mila
Har mausam be-dard mila
Oonche lambe pedon ka
Pata pata zard mila
Sochte hain kyun zinda hain
Achha yeh sar dard mila
Hum roye toh baat bhi thi
Kyun rota har fard mila
Mila hamein bas ek Khuda
Aur woh bhi be-dard mila
Alvi khwahish bhi thi baanjh
Jazba bhi na mard mila
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں