ساتویں منزل سے کودا چاہئے — محمد علوی
شاعر
ساتویں منزل سے کودا چاہئے
ساتویں منزل سے کودا چاہئے
خودکشی کرنے کو اور کیا چاہئے
اپنے ہاتھوں اپنی آنکھیں پھوڑ کر
چار سو اپنے کو دیکھا چاہئے
آئنے میں کوئی رہتا ہے ضرور
کون ہے چپکے سے پوچھا چاہئے
نیند کے کمرے میں دم گھٹنے لگا
خواب کی کھڑکی کو کھولا چاہئے
فیضؔ صاحب شعر کیوں کہتے نہیں
فیضؔ صاحب شعر کہنا چاہئے
تم سے بیوی کو شکایت ہو اگر
تو سلیمؔ احمد کو پڑھنا چاہئے
آؤ علویؔ اس کے گھر کی بتیاں
بجھ گئیں اب گھر کو چلنا چاہئے
محمد علوی
Satvin manzil se kooda chahiye
Satvin manzil se kooda chahiye
Khudkushi karne ko aur kya chahiye
Apne haathon apni aankhen phod kar
Char soo apne ko dekha chahiye
Aaine mein koi rehta hai zaroor
Kaun hai chupke se poocha chahiye
Neend ke kamre mein dam ghutne laga
Khwab ki khidki ko khola chahiye
Faiz Sahib sher kyon kehte nahin
Faiz Sahib sher kehna chahiye
Tum se biwi ko shikayat ho agar
To Saleem Ahmad ko padhna chahiye
Aao Alwi uske ghar ki battiyan
Bujh gayin ab ghar ko chalna chahiye
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں