سایا سایا راہ میں بکھرا ہوا — محمد علوی
شاعر
سایا سایا راہ میں بکھرا ہوا
سایا سایا راہ میں بکھرا ہوا
ایک چہرہ جا بجا بنتا ہوا
دور تک بے کار سی اک دوپہر
اک پرندہ بے سبب اڑتا ہوا
سوچتے ہیں رک ہی جائے گا کہیں
آخری لمحہ قریب آتا ہوا
دھڑکنوں سے کچھ پتہ چلتا نہیں
کون ہے دل میں سفر کرتا ہوا
رات پھر میں اپنے بستر میں نہ تھا
تھا اندھیروں میں کہیں گرتا ہوا
پھر طبیعت میں روانی آ گئی
مل گیا علویؔ غزل کہتا ہوا
محمد علوی
saya saya rah mein bikhra hua
saya saya rah mein bikhra hua
ek chehra ja ba ja banta hua
door tak be-kaar si ik dopahar
ik parinda be-sabab uDta hua
sochte hain ruk hi jaaega kahin
aakhri lamha qareeb aata hua
dhaDkanon se kuch pata chalta nahin
kaun hai dil mein safar karta hua
raat phir main apne bistar mein na tha
tha andheron mein kahin girta hua
phir tabiyat mein rawani aa gai
mil gaya Alwi ghazal kahta hua
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں