سوچتے رہتے ہیں اکثر رات میں — محمد علوی
شاعر
سوچتے رہتے ہیں اکثر رات میں
سوچتے رہتے ہیں اکثر رات میں
ڈوب کیوں جاتے ہیں منظر رات میں
کس نے لہرائی ہیں زلفیں دور تک
کون پھرتا ہے کھلے سر رات میں
چاندنی پی کر بہک جاتی ہے رات
چاند بن جاتا ہے ساغر رات میں
چوم لیتے ہیں کناروں کی حدیں
جھوم اٹھتے ہیں سمندر رات میں
کھڑکیوں سے جھانکتی ہے روشنی
بتیاں جلتی ہیں گھر گھر رات میں
رات کا ہم پر بڑا احسان ہے
رو لیا کرتے ہیں کھل کر رات میں
دل کا پہلو میں گماں ہوتا نہیں
آنکھ بن جاتی ہے پتھر رات میں
علویؔ صاحب وقت ہے آرام کا
سو رہو سب کچھ بھلا کر رات میں
محمد علوی
sochte rahte hain aksar raat mein
sochte rahte hain aksar raat mein
Doob kyon jaate hain manzar raat mein
kis ne lahrai hain zulfen door tak
kaun phirta hai khule sar raat mein
chandni pi kar bahak jati hai raat
chand ban jata hai sagar raat mein
choom lete hain kinaron ki haden
jhoom uThte hain samundar raat mein
khiDkiyon se jhankti hai roshni
battiyan jalti hain ghar ghar raat mein
raat ka ham par baDa ehsan hai
ro liya karte hain khul kar raat mein
dil ka pahlu mein guman hota nahin
aankh ban jati hai patthar raat mein
Alwi sahib waqt hai aaram ka
so raho sab kuch bhula kar raat mein
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں