سورج — محمد علوی
شاعر
سورج
وہ دیکھو سورج
زمیں کے اندر اتر رہا ہے
چلو اسے دفن کر کے
اپنے گھروں کو جائیں
تمام دن کا عذاب
کھونٹی پہ ٹانگ کر
میلے بستروں کو
چمکتے خوابوں سے جگمگائیں
یہ وقت
کیوں جاگ کر گنوائیں
کہ کل یہ سورج
اسی زمیں سے
نکل کے
اپنے سروں پہ ہوگا
چلو اسے دفن کر کے
اپنے گھروں کو جائیں
محمد علوی
Suraj
Woh dekho suraj
Zameen ke andar utar raha hai
Chalo usay dafan kar ke
Apne gharon ko jaayen
Tamaam din ka azaab
Khoonti pe taang kar
Maile bistaron ko
Chamakte khwabon se jagmagayen
Yeh waqt
Kyun jaag kar ganwayein
Ke kal yeh suraj
Isi zameen se
Nikal ke
Apne saron pe hoga
Chalo usay dafan kar ke
Apne gharon ko jaayen
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں