تنہائی — محمد علوی
شاعر
تنہائی
کچھ دنوں سے اک چڑیا
چپ اداس گم سم سی
شام ہوتے آتی ہے
گھر میں ایک فوٹو پر
آ کے بیٹھ جاتی ہے
اس سمے گھڑی میری
ٹھیک چھ بجاتی ہے
کچھ ہی دیر میں چڑیا
شام کے دھندلکے میں
ڈوب ڈوب جاتی ہے
اور گھر کا دروازہ
رات کھٹکھٹاتی ہے
محمد علوی
Tanhaai
Kuchh dinon se ek chidiya
Chup udaas gum sum si
Shaam hote aati hai
Ghar mein ek photo par
Aa ke baith jaati hai
Is samay ghadi meri
Theek chhah bajaati hai
Kuchh hi der mein chidiya
Shaam ke dhundalke mein
Doob doob jaati hai
Aur ghar ka darwaza
Raat khatkhatati hai
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں