تیسری آنکھ — محمد علوی
شاعر
تیسری آنکھ
میں دونوں آنکھیں میچے
گرتا پڑتا دوڑ رہا ہوں!
آگے کیا ہے
مجھ کو کچھ معلوم نہیں
لیکن میری تیسری آنکھ
پیچھے بھاگتے رات اور دن
سال اور صدیاں دیکھ رہی ہے!
پیچھے دور بہت پیچھے
جھلمل کرتی
بجھتی خوشیاں دیکھ رہی ہے!
میں دونوں آنکھیں میچے
تیسری آنکھ سے روتا ہوں!!
محمد علوی
Teesri Aankh
Main dono aankhein meeche
Girta padta daud raha hoon!
Aage kya hai
Mujh ko kuchh maloom nahin
Lekin meri teesri aankh
Peechhe bhaagte raat aur din
Saal aur sadiyan dekh rahi hai!
Peechhe door bahut peechhe
Jhilmil karti
Bujhti khushiyan dekh rahi hai!
Main dono aankhein meeche
Teesri aankh se rota hoon!!
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں