اٹھتے ہوئے قدموں کی دھمک آنے لگی ہے — محمد علوی
شاعر
اٹھتے ہوئے قدموں کی دھمک آنے لگی ہے
اٹھتے ہوئے قدموں کی دھمک آنے لگی ہے
پو پھٹنے سے پہلے ہی گلی جاگ اٹھی ہے
عاشق ہو تو چوروں میں بھی اب نام لکھاؤ
دروازہ بھلے بند ہے کھڑکی تو کھلی ہے
لوگ اپنے مکانوں کی طرف بھاگ رہے ہیں
گھر والوں پہ جیسے کوئی افتاد پڑی ہے
اے باد صبا کس لیے پھرتی ہے پریشاں
کیا تو بھی اسی پھول کی ٹھکرائی ہوئی ہے
آ گردش دوراں تجھے سینے سے لگا لوں
اب تک تو مری جاں تو مرے ساتھ رہی ہے
اب آئے ہو دنیا میں تو یوں منہ نہ بگاڑو
دو روز تو رہنا ہے بری ہے تو بری ہے
بازار کے داموں کی شکایت ہے ہر اک کو
پھر بھی سر بازار بڑی بھیڑ لگی ہے
کانٹے کی طرح سوکھ کے رہ جاؤ گے علویؔ
چھوڑو یہ غزل گوئی یہ بیماری بری ہے
محمد علوی
Uthte hue qadmon ki dhamak aane lagi hai
Uthte hue qadmon ki dhamak aane lagi hai
Pau phatne se pehle hi gali jaag uthi hai
Aashiq ho toh choron mein bhi ab naam likhao
Darwaza bhale band hai khidki toh khuli hai
Log apne makanon ki taraf bhaag rahe hain
Ghar walon pe jaise koi iftaad padi hai
Aye baad-e-saba kis liye phirti hai pareshan
Kya tu bhi isi phool ki thukrai hui hai
Aa gardish-e-dauraan tujhe seene se laga loon
Ab tak toh meri jaan tu mere saath rahi hai
Ab aaye ho duniya mein toh yun munh na bigaado
Do roz toh rehna hai buri hai toh buri hai
Bazaar ke daamon ki shikayat hai har ik ko
Phir bhi sar-e-bazaar badi bheed lagi hai
Kaante ki tarah sookh ke reh jaoge Alvi
Chhodo yeh ghazal goyi yeh beemari buri hai
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں