وقت — محمد علوی
شاعر
وقت
ہم نے وقت کو
گھڑی میں قید کر دیا ہے
جہاں وہ رات دن
ہاتھ پھیلا کے
ہاتھ اٹھا کے
ہاتھ جوڑ کے
فریاد کرتا رہتا ہے!
جب وہ آزاد تھا
وہ زمانا
یاد کرتا رہتا ہے!!
محمد علوی
Waqt
Hum ne waqt ko
Ghari mein qaid kar diya hai
Jahan woh raat din
Haath phaila ke
Haath utha ke
Haath jod ke
Faryad karta rehta hai!
Jab woh azad tha
Woh zamana
Yaad karta rehta hai!!
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں