وہ میرے ساتھ آنے پہ تیار ہو گیا — محمد علوی
شاعر
وہ میرے ساتھ آنے پہ تیار ہو گیا
وہ میرے ساتھ آنے پہ تیار ہو گیا
سوتے سے ہڑبڑا کے میں بیدار ہو گیا
اس کے حسین چہرے پہ خط خوب تھا مگر
داڑھی منڈا کے اور طرح دار ہو گیا
بتی بجھا کے ہیرو ہیروئن لپٹ گئے
قصہ بہت ہی پھر تو مزے دار ہو گیا
قاتل فرار ہو گیا پولس کے آنے تک
اک راہ رو بیچارہ گرفتار ہو گیا
ان کو گناہ کرتے ہوئے میں نے جا لیا
پھر ان کے ساتھ میں بھی گنہ گار ہو گیا
مردانگی کا اس کی بہت شور تھا مگر
آئی شب وصال تو بیمار ہو گیا
محمد علوی
Woh Mere Saath Aane Pe Taiyar Ho Gaya
Woh mere saath aane pe taiyar ho gaya
Sote se haRbaRa ke main bedaar ho gaya
Us ke haseen chehre pe khatt khoob tha magar
DaaRhi muNda ke aur tarahdaar ho gaya
Batti bujha ke hero hero.in lipat gaye
Qissa bahut hi phir to maze daar ho gaya
Qatil faraar ho gaya police ke aane tak
Ek rah-ro bechara giraftaar ho gaya
Un ko gunah karte hue main ne ja liya
Phir un ke saath main bhi gunahgar ho gaya
Mardaangi ka us ki bahut shor tha magar
Aai shab-e-wisaal to beemaar ho gaya
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں