ولف مین — محمد علوی
شاعر
ولف مین
آدھی رات ہوئی
اور پورا چاند نکل آیا
سوتے میں
ہونٹ چیر کے
اس کے دانت بڑھے
اور ناخن نکلے
تیز نکیلے بڑے بڑے!
پھر سارے بدن پر
بال ہی بال اگ آئے!
گاؤں سے باہر
جنگل میں
بھیڑیے مل کے چلائے!
وہ اپنے بستر سے اٹھ کر
کھڑکی کود گیا!
پاس کے گھر میں
سوتے میں کوئی بچہ چونک اٹھا!
دور گلی کے نکڑ پر
اک کتا بھونک اٹھا!
پھر دور
بہت ہی دور کہیں
اک چیخ سنائی دی!
پھر اس کے خالی بستر میں
اک لاش دکھائی دی!
پھر بادل گھر آئے
اور سارا منظر ڈوب گیا!!
سورج نے آ کر دیکھا تو
خالی بستر چمک رہا تھا
گہری نیند میں
وہ اپنے بستر سے نیچے لڑھک گیا تھا!!
محمد علوی
Wolf Man
Aadhi raat hui
Aur poora chand nikal aaya
Sote mein
Honth cheer ke
Us ke daant badhe
Aur nakhun nikle
Tez nukeelay bade bade!
Phir saare badan par
Baal hi baal ug aaye!
Gaon se bahar
Jungle mein
Bhediye mil ke chillaye!
Woh apne bistar se uth kar
Khidki kood gaya!
Paas ke ghar mein
Sote mein koi bachcha chaunk utha!
Door gali ke nukad par
Ek kutta bhonk utha!
Phir door
Bahut hi door kahin
Ek cheekh sunai di!
Phir us ke khaali bistar mein
Ek laash dikhai di!
Phir baadal ghir aaye
Aur saara manzar doob gaya!!
Suraj ne aa kar dekha to
Khaali bistar chamak raha tha
Gehri neend mein
Woh apne bistar se neeche ludhak gaya tha!!
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں