یکہ الٹ کے رہ گیا گھوڑا بھڑک گیا — محمد علوی
شاعر
یکہ الٹ کے رہ گیا گھوڑا بھڑک گیا
یکہ الٹ کے رہ گیا گھوڑا بھڑک گیا
کالی سڑک پہ چاند سا چہرہ چمک گیا
دیکھا اسے تو آنکھ سے پردہ سرک گیا
شعلہ سا ایک جسم کے اندر لپک گیا
باہر گلی میں کھل گئیں کلیاں گلاب کی
جھونکا ہوا کا آتے ہی کمرہ مہک گیا
مجھ پر نظر پڑی تو وہ شرما کے رہ گئی
پہلو سے اس کے اون کا گولا لڑھک گیا
کوشش کے باوجود میں باہر نہ آ سکا
اندر کا سلسلہ تو بہت دور تک گیا
میں نے ہی اس کو قتل کیا تھا یہ سچ ہے پر
سچ سچ بتاؤں میرا بھی اک اک پہ شک گیا
علویؔ نے آج دن میں کہانی سنائی تھی
شاید اسی وجہ سے میں رستہ بھٹک گیا
محمد علوی
Yakka palat ke reh gaya, ghoda bhadak gaya
Yakka palat ke reh gaya, ghoda bhadak gaya
Kaali sadak pe chaand sa chehra chamak gaya
Dekha use toh aankh se parda sarak gaya
Shola sa ek jism ke andar lapak gaya
Bahar gali mein khul gayin kaliyan gulaab ki
Jhonka hawa ka aate hi kamra mehak gaya
Mujh par nazar padi toh woh sharma ke reh gayi
Pehlu se us ke oon ka gola ladhak gaya
Koshish ke bawajood main bahar na aa saka
Andar ka silsila toh bahut door tak gaya
Maine hi us ko qatl kiya tha yeh sach hai par
Sach sach bataaun mera bhi ek ek pe shak gaya
Alvi ne aaj din mein kahani sunai thi
Shaayad isi wajah se main rasta bhatak gaya
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں