یوں تو کم کم تھی محبت اس کی — محمد علوی
شاعر
یوں تو کم کم تھی محبت اس کی
یوں تو کم کم تھی محبت اس کی
کم نہ تھی پھر بھی رفاقت اس کی
سارے دکھ بھول کے ہنس لیتا تھا
یہ بھی تھی ایک کرامت اس کی
الجھنیں اور بھی تھیں اس کے لیے
ایک میں بھی تھا مصیبت اس کی
پہلے بھی پینے کو جی کرتا تھا
مل ہی جاتی تھی اجازت اس کی
خواب میں جیسے چلا کرتا ہوں
دیکھتا رہتا ہوں صورت اس کی
نام رہتا ہے زباں پر اس کا
گھر میں رہتی ہے ضرورت اس کی
اس کی عادت تھی شرارت کرنا
کاش یہ بھی ہو شرارت اس کی
پھیلتے بڑھتے ہوئے بستر میں
ڈھونڈھتا رہتا ہوں قربت اس کی
ایک بوسیدہ سا گھر چھوڑ گئی
لے گئی ساتھ وہ جنت اس کی
محمد علوی
Yun to kam kam thi mohabbat us ki
Yun to kam kam thi mohabbat us ki
Kam na thi phir bhi rafaqat us ki
Saare dukh bhool ke hans leta tha
Ye bhi thi ek karamat us ki
Uljhanen aur bhi thin us ke liye
Ek main bhi tha museebat us ki
Pehle bhi peene ko jee karta tha
Mil hi jaati thi ijazat us ki
Khwab mein jaise chala karta hoon
Dekhta rehta hoon soorat us ki
Naam rehta hai zaban par us ka
Ghar mein rehti hai zaroorat us ki
Us ki aadat thi shararat karna
Kaash ye bhi ho shararat us ki
Phelte badhte hue bistar mein
Dhoondhta rehta hoon qurbat us ki
Ek boseeda sa ghar chhod gayi
Le gayi saath woh jannat us ki
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں