زمیں کہیں بھی نہ تھی چار سو سمندر تھا — محمد علوی
شاعر
زمیں کہیں بھی نہ تھی چار سو سمندر تھا
زمیں کہیں بھی نہ تھی چار سو سمندر تھا
کسے دکھاتے بڑا ہول ناک منظر تھا
لڑھک کے میری طرف آ رہا تھا اک پتھر
پھر ایک اور پھر اک اور بڑا سا پتھر تھا
فصیلیں دل کی گراتا ہوا جو در آیا
وہ کوئی اور نہ تھا خواہشوں کا لشکر تھا
بلا رہا تھا کوئی چیخ چیخ کر مجھ کو
کنویں میں جھانک کے دیکھا تو میں ہی اندر تھا
بہت سے ہاتھ اگ آئے تھے میری آنکھوں میں
ہر ایک ہاتھ میں اک نوک دار خنجر تھا
وہ جنگلوں میں درختوں پہ کودتے پھرنا
برا بہت تھا مگر آج سے تو بہتر تھا
ہمارے واسطے علویؔ کے شعر کیا کم ہیں
چلو قبول کہ غالبؔ بڑا سخن ور تھا
محمد علوی
Zameen Kaheen Bhi Na Thi Chaar Su Samundar Tha
Zameen kaheen bhi na thi chaar su samundar tha
Kise dikhate baRa haulnak manzar tha
LuRhak ke meri taraf aa raha tha ek patthar
Phir ek aur phir ek aur baRa sa patthar tha
Faseelein dil ki girata hua jo dar aaya
Woh koi aur na tha khwahishoN ka lashkar tha
Bula raha tha koi cheekh cheekh kar mujh ko
Kunwen mein jhaank ke dekha to main hi andar tha
Bahut se haath ug aaye the meri aankhoN mein
Har ek haath mein ek nokdar khanjar tha
Woh jangeloN mein darakhtoN pe koodte phirna
Bura bahut tha magar aaj se to behtar tha
Hamare waste Alvi ke sher kya kam hain
Chalo qabool ke Ghalib baRa sukhanwar tha
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں