غم کی بارش نے بھی تیرے نقش کو دھویا نہیں — منیرنیازی
شاعر
غم کی بارش نے بھی تیرے نقش کو دھویا نہیں
غم کی بارش نے بھی تیرے نقش کو دھویا نہیں
تو نے مجھ کو کھو دیا میں نے تجھے کھویا نہیں
نیند کا ہلکا گلابی سا خمار آنکھوں میں تھا
یوں لگا جیسے وہ شب کو دیر تک سویا نہیں
ہر طرف دیوار و در اور ان میں آنکھوں کے ہجوم
کہہ سکے جو دل کی حالت وہ لب گویا نہیں
جرم آدم نے کیا اور نسل آدم کو سزا
کاٹتا ہوں زندگی بھر میں نے جو بویا نہیں
جانتا ہوں ایک ایسے شخص کو میں بھی منیرؔ
غم سے پتھر ہو گیا لیکن کبھی رویا نہیں
Gham ki barish ne bhi tere naqsh ko dhoya nahin
Gham ki barish ne bhi tere naqsh ko dhoya nahin
Tu ne mujh ko kho diya main ne tujhe khoya nahin
Neend ka halka gulabi sa khumar aankhon mein tha
Yun laga jaise woh shab ko der tak soya nahin
Har taraf deewar o dar aur un mein aankhon ke hujoom
Keh sake jo dil ki halat woh lab-e-goya nahin
Jurm-e-Adam ne kiya aur nasl-e-Adam ko saza
Kaat-ta hoon zindagi bhar main ne jo boya nahin
Jaanta hoon ek aise shakhs ko main bhi Muneer
Gham se patthar ho gaya lekin kabhi roya nahin
شاعر کے بارے میں
منیر نیازی 19 اپریل 1928ء کو ہوشیار پور کے قصبہ خان پور کے اک پشتون گھرانے میں پپدا ہوئے۔ ان کے والد محمد فتح خان محکمۂ انہار میں ملازم تھے لیکن خ...
مکمل تعارف پڑھیں